BE.167 Logu no.108
MARTUA DO NA MARHAPOSAN

Ayat 1
Dijangkon Jesus do pardosa Na mangarsakkon dosa i.
Na mangundukkon hinaroa Ni pambaenanNa sasude
Alai ditangkup hata on Dijangkon Jesus nang au on.

Ayat 2
Pardosa na tarsolsol bagi Na ponjot roha situtu
Huhut na olo manopoti Dosana i mansai burju
I do dijangkon Jesus i Asa paluahonna i.

Ayat 3
Banuaginjang ditadingkon Humophop hajolmaon i
GoarNa i do sipujion Ni nasa na malua i
Ai nunga sae utangna i Binaen ni Tuhan Jesus i.

Ayat 4
Ditaoni Jesus hamatean Di hau pinarsilang i
Mambaen di hita pardamean Tu Debata, Amana i
Nuaeng ndang pola marsak be Na ro tu Jesus i sude.

Ayat 5
Antong hamu na marsak roha Tangihon ma hataNa i
Hatop ma ro hamu paboa Ditangkup rohamuna i
Barita ni Tuhanta i Naung ro pasaehon dosa i.

Ayat 6
Dison do hami, ale Tuhan Asi rohaM paias ma
Togihon hami on tu ginjang Tu surgo i tu Debata
Pujionnami ma disi Ho, Sipalua jolma i.
